Fjölmargir viðskiptavinir hafa sett sig í samband Kraftvélar til þess að athuga hver staðan sé hjá okkur og hvort einhverjar breytingar hafi átt sér stað varðandi sölu og þjónustu, við viljum því útskýra fyrir áhugasömum hvaða aðgerðir við höfum ráðist í á þessum tímum.
Áhrif COVID-19 á íslenskt samfélag hefur ekki farið framhjá neinum og erum við í Kraftvélum engin undantekning þar á.

– Starfsemi Kraftvéla er í fullum gangi og hefðbundinn opnunartími í öllum deildum nema varahlutaverslun sem lokar klukkutíma fyrr í apríl og maí. Við hvetjum viðskiptavini til þess að hafa samskipti við okkur í gengum síma og/eða tölvupóst svo hægt sé að lágmarka heimsóknir.

– Við höfum aðskilið allar deildir fyrirtækisins og sett upp sex mismunandi sóttvarnarsvæði innan fyrirtækisins. Starfsmönnum er ekki heimilt að fara á milli sóttvarnarsvæða nema nauðsyn þykir og þá eingöngu eftir góðan handþvott og handspritt.

– Við leggjum ríka áherslu á 2 metra fjarlægð á milli fólks og biðjum viðskiptavini að virða þær ráðlagningar sem Almannavarnir hafa lagt til.

– Allar starfsstöðvar eru sótthreinsaðar daglegar og aðkeypt hreingerningarþjónusta sér um almenn þrif og sótthreinsun á sameiginlegum snertiflötum á hverjum einasta degi.

– Flest allir af okkar birgjum hafa lokað framleiðsluverksmiðjum sínum en reyna eftir fremsta megni að halda varahlutavöruhúsum opnum til að geta þjónustað tækin.
Biðjum viðskiptavini um að takmarka heimsóknir til okkar og panta frekar í gegnum síma 535-3520 eða tölvupóst varahlutir@kraftvelar.is. Opnunartími varahlutaverslunnar í apríl og maí er 08:00 – 17:00.

– Starfsmenn á þjónustuverkstæði gæta fyllstu varúðar við meðhöndlun tækja í þjónustu með tilheyrandi hlífðarfatnaði, þrifnaði og aðgát.
Nánari upplýsingar um þjónustuverkstæðið í síma 535-3545 eða tölvupóstur verkstjorn@kraftvelar.is

Hafi viðskiptavinir okkar ábendingar um hvað mætti betur fara eða einhverjar sérstakar óskir munum við koma til móts við þær eftir fremsta megni.
Allar ábendingar eru vel þegnar á kraftvelar@kraftvelar.is eða í gegnum skilaboð á Facebook.

Nýr opnunartími er:
Mánudaga til fimmtudaga: 08:00-17:00
Föstudaga: 08:00-15:00

Tímabókanir þjónustuverkstæðis eru sem fyrr í síma 535-3545 eða tölvupósti verkstjorn@kraftvelar.is

Valþór er mikið í snjómokstri fyrir vestan og vantaði vél sem ræður við það rosalega magn af snjó sem hefur kyngt niður á Vestfjörðum þennan veturinn. Valþór er eins og von er mjög ánægður með vélina. Weidemann 2080 vélin kom mjög vel útbúin með EURO ramma og 75 hestafla mótor, hún er með lyftigetu upp á 3.719kg og kemur með LED vinnuljósum ásamt hefðbundnum akstursljósum. Weidemann 2080 kemur þar fyrir utan með 4stk vökvaúttökum að framan ásamt fríflæðislög.
 
Við hjá Kraftvélum þökkum Valþóri kærlega fyrir viðskiptin og óskum honum velgengni í snjómokstrinum fyrir vestan.

Þetta er nýjasta vélin í Weidemann flota þeirra en fyrir eiga þeir Weidemann 1280 og Weidemann T5522.
„Þegar við þurftum að bæta við tækjakostinn hjá okkur, þá kom ekkert annað til greina en Weidemann“ sagði Rafn Heilðal stöðvarstjóri Laxa fiskeldis á Bakka. „Þessar vélar henta okkur sérstaklega vel og hafa komið mjög vel út í rekstri“.
Það eru góð meðmæli og óskum við þeim á Bakka til hamingju með nýjustu viðbótina af Weidemann og vonum að hún reynist þeim eins notadrjúg og fyrri vélum.

Á myndinni er Rafn Heiðdal að taka á móti nýjast gripnum.

„Einu sinni verður allt fyrst“ máltæki sem gott er að tileinka sér með marga hluti og sérstaklega þegar maður starfar í vélasölu. Fjölskyldan á Butru í Fljótshlíð urðu þau fyrstu á sínum tíma til að kaupa Weidemann T4512. Sú vél hefur þjónað þeim vel síðustu ár og fannst þeim Ágústi og Oddný kominn tími á að skipta henni út fyrir nýja vél. Það var okkur sönn ánægja að verða við þeirri ósk. Fyrir valinu varð að sjálfsögðu önnur Weidemann T4512. Ágúst og Oddný höfðu það að orði um T4512 að hún hafi komið einstaklega vel út, hún hentaði í öll þau verkefni sem þau höfðu hugsað fyrir hana og í raun komið þeim mjög á óvart og engin verkefni fallið úrhendi.
Rekstrarsagan á gömlu vélinni er góð og þau mjög hamingjusöm með að hafa valið Weidemann T4512. Fyrsta vélin sem Kraftvélar seldu í maí árið 2015 fór til þeirra og nú fá þau afhenta vél númer 65 á Íslandi. Kraftvélar þakka þeim kærlega fyrir viðskiptin og þeirra ómetanlega traust á Weidemann sem þau hafa verið ötul við að halda uppi heiðrinum fyrir þegar leitað hefur verið til þeirra.
Af þeim 65 vélum sem við höfum selt frá 2015 er þetta fyrsta T4512 skotbóman sem er endurnýjuð. Við í Kraftvélum erum með langan lista af viðskiptavinum sem bíða spenntir eftir notuðum T4512 skotbómulyfturum og því seldist uppítökulyftarinn frá Butru strax, þurfti ekki einu sinni að fara á sölutorgið okkar.

Á meðfylgjandi mynd má sjá fjölskylduna í Butru taka á móti nýju vélinni á björtum degi í Fljótshlíðinni, Ágúst segir reyndar að það sé alltaf gott veður í hlíðinni. Við gerum orð Gunnars á Hlíðarenda að okkar eigin og segjum „Fögur er hlíðin svo að mér hefir hún aldrei jafnfögur sýnst“.

Elkem hefur til margra ára verið með Toyota lyftara í sínum tækjaflota og hafa þeir komið mjög vel út að öllu leyti.

Lyftararnir sem Elkem hefur bætt í flotann sinn á síðustu mánuðum eru Toyota Tonero dísellyftara í nokkrum útfærslum.
Til dæmis fengu þeir tvo 6 tonna lyftara með öflugum snúningum, 5 tonna lyftara sem er notaður í að færa deiglur inni í verksmiðjunni og 3.5 tonna lyftara sem nýtist í ýmis verkefni vídd og breytt um athafnasvæði Elkem á Grundartanga. Lyftararnir eru allir mjög vel útbúnir með góðu og þéttu ökumannshúsi og er öll aðstaða fyrir ökumann til fyrirmyndar.

Við fórum í heimsókn til þeirra hjá Elkem í tilefni af þessu og þar tók á móti okkur hann Björn Fannar Jóhannesson sem er yfirmaður viðhaldsdeildar hjá Elkem. Björn fór með okkur inn í verksmiðju og sýndi okkur það helsta sem þar er gert.

Hér fylgja með nokkrar myndir af heimsókninni. Á myndunum má sjá nokkra af lyfturunum en því miður er starfsemi Elkem þess eðlis að ekki var hægt að safna öllum tækjunum saman. Fulltrúar Kraftvéla í þessari heimsókn voru Magnús Jón og Matthías Knútur. Eins og sést á myndunum þá er ávalt fyllsta öryggis gætt hjá Elkem og allt öryggi til fyrirmyndar. Við hjá Kraftvélum þökkum Elkem fyrir að velja okkur og Toyota sem samstarfsaðila og óskum þeim velfarnaðar í framtíðinni.

Kraftvélar eru um þessar mundir að hrinda af stað sérstakri þjónustuherferð í samstarfi við sína birgja og snýr herferðin að alhliða viðhaldi námutækja og borvagna. okkar merkja sem og annara vörumerkja.

Við bjóðum upp á fríar ástandsskoðanir og ástandsskýrslu fyrir námutæki og borvagna þar sem við setjum saman tilboð í varahluti, viðhaldsefni og vinnu sem tækið þarfnast sé þess þörf.
Tilboðið er gert í samráði við eiganda/umráðamann tækisins og er sniðið að hans óskum hverju sinni.

Þessum skoðunum fylgja engar skuldbindingar af neinu tagi nema kannski einn kaffibolli fyrir skoðunarmann.
Það er gömul saga og ný að reglubundið og fyrirbyggjandi viðhald er langódýrasta viðhaldið til lengri tíma.

Ef þú villt fá ástandsskoðun þá getur þú pantað tíma með því að hringja í síma 535-3548 eða sent tölvupóst á pssr@kraftvelar.is

Á aðeins einni viku seldust 9 notaðar vélar sem fóru til 9 hamingjusama viðskiptavina.

Þrátt fyrir góða sölu á þessum Notuðu dögum eigum við ennþá til fjölbreytt úrval spennandi tækja sem eru til sýnis á Óseyrarbraut 24 í Hafnarfirði, vestan megin við Eimskip Fjarðarfrost.
Á meðfylgjandi myndum má sjá úrval notaðra tækja sem við erum með til sölu og allar nánari upplýsingar á heimasíðu okkar www.kraftvelar.is/notadar-vinnuvelar/

Þessi lyftari er viðbót við nokkur önnur Toyota tæki sem þeir hafa fengið frá okkur undanfarið. Hann er með 1600mm göfflum til að auðvelda meðhöndlun á löngum brettum. Lyftigetan er 1400kg og fer hann uppí 5400mm hæð. Hann er með hraðvirku glussakerfi og einstaklega hljóðlátur. Stýrisarmurinn er hæðarstillanlegur sem gerir misháum ökumönnum kleift að stjórna tækinu á sem þægilegastan hátt. Einnig er tækið búið rafmagnsstýri sem gerir það einstaklega þægilegt og lipurt í akstri.

Við óskum Birgisson ehf til hamingju með tækin og þökkum þeim fyrir að velja Toyota og Kraftvélar.

Öll aðstaða ökumanns til fyrirmyndar, fjölstillanlegt ökumannssæti með stillanlegum armapúða og fingurstýrðum stjórntækjum.

Lyftarinn var varla lendur hjá þeim þegar hann var kominn á fullt í vinnu eins og myndin sýnir. Við þökkum Granítsteinum fyrir að velja Toyota og Kraftvélar og óskum þeim alls hins besta í framtíðinni.