Það er nú ekki á hverjum degi sem við tökum á móti rúmlega 20 Iveco bílum!
Ótrúlega spennandi tímar framundan hjá Iveco atvinnubílum, frekari fréttir væntanlegar í ágúst mánuði.

Fengum senda skemmtilega mynd frá Þjótanda ehf þar sem sjá má nýja Iveco bílinn þeirra kominn í landbúnaðarstörf!

Fallegur dagur í dag og þá er alveg kjörið á nýta hann í að afhenda eina Komatsu beltagröfu. Í dag fékk Gróðrarstöðin Lambhagi afhenta nýja Komatsu PC138US-11 beltagröfu. Vélin er alveg einstaklega hentug að vinna á svæði þar sem rými er lítið þar sem hún er ein af „Ultra-short“ beltagröfu línunni frá Komatsu en er að sama skapi alveg afskaplega öflug. Vélin er um 15,6 tonn að þyngd, á 700 mm spyrnum með tvöfalda bómu, ýtutönn og afhendist með Miller Powerlatch tiltanlegt hraðtengi og 3 skóflum. Ingvar Hafbergsson frá Lambhaga kom og veitti vélinni viðtöku hjá okkur. Kraftvélar óska Gróðrarstöðinni Lambhaga innilega til hamingju með nýju Komatsu beltagröfuna! Megi þeim farnast vel.

Fyrr í júní mánuði afhentum við Brjót s/f glænýjan Sandvik QH331 kónbrjót.
Um er að ræða 34 tonna kónbrjót sem kemur til með að styrkja veruleg afköst fyrirtækisins.

Við óskum Brjót til hamingju og þökkum þeim kærlega fyrir viðskiptin!

 

Image may contain: sky, outdoor and nature

Image may contain: outdoor

Kraftvélar óska Snæfellsbæ til hamingju með nýja 5 tonna Iveco Daily vinnuflokkabílinn sem þeir voru að fá afhentan í seinustu viku. Bíllinn er með 180 hestafla vél og 6 gíra beinskiptum gírkassa sem er með aflúttaki fyrir vökvadælu sem er notuð fyrir glussakrana og snjótönn eða annan vökvadrifinn búnað sem þörf er á. Ökumannshúsið er fyrir 6 farþega auk ökumanns, stórum geymsluhólfum undir öllum sætum, luxus sæti fyrir ökumann með fjöðrun og fjölstillingum, auka hillum og festingu fyrir spjaldtölvu á mælaborði svo fátt eitt sé nefnt. Á bílinn var settur 3ja t/m Fassi frá Barka ehf. Kraninn er með stuðningsfótum beggja vegna,og mun kraninn væntanlega nýtast við allskonar þjónustustörf sem eru margvísleg hjá bæjarfélaginu. Auka geymslukassi var settur undir pallinn á grind bílsins fyrir laus verkfæri eða annan auka búnað, vinnuljós og gul aðvörunarljós voru þar að sett á bílinn fyrir afhendingu.

Á myndinni er Ævar Sveinsson verkstjóri hjá Snæfellsbæ að veita bílnum viðtöku.

 

í dag fékk Steinull hf á Sauðárkróki afhenta nýja Komatsu WA200-8 hjólaskóflu. Vélin er um 12 tonn að þyngd og er hluti af nýju -8 hjólaskóflulínunni frá Komatsu sem heldur betur hefur slegið í gegn fyrir framúrskarandi skilvirkni og þægindi. Vélin er vel útbúin í alla staði m.a með sjálfvirkt smurkerfi, hraðtengi, 3,2 m3 skóflu, KOMTRAX 3G kerfi og margt margt fleira. Guðmundur Örn Guðmundsson verksmiðjustjóri Steinullar, Jóhannes Axelsson og Ingólfur Jón Geirsson veittu vélinni viðtöku hjá okkur í gær. Kraftvélar óska Steinull hf innilega til hamingju með nýju Komatsu vélina sína. Megi þeim farnast afskaplega vel!

KRANAR

Föstudaginn 6. júlí vorum við með Kranakvöld Kraftvéla þar sem við vorum með til sýnis og prufu þrjá sjálfreisandi kranar frá Potain.
Kranarnir sem voru á staðnum heita Potain IGO M14, IGO21 og IGO50.

Við látum fylgja með skemmtilegt myndband frá kvöldinu okkar og þökkum öllum þeim sem komu í heimsókn til okkar.

Það eru ekki bara Iveco bílarnir sem rjúka út heldur höfum við líka átt gífurlegri velgengni að fagna í landbúnaðartækjum. Frá því að Kraftvélar tókum við umboði New Holland og CaseIH dráttarvéla höfum við aldrei afgreitt eins margar dráttarvélar eins og núna í ár.

Á næstu 4 dögum munum við fjalla um 4 afhendingar á nýjum dráttarvélum á norðurlandið okkar fagra.

Fyrstur á dagskrá er Hlynur Kristinsson á Kvisti sem fékk á dögunum afhenta glænýja CaseIH Puma 200CXV.
þessi vél er útbúin öllu því helsta og skilar um 245hö á mótor. Stór vél í stór verkefni, Þessar vélar hafa tekið smá breytingum á síðustu árum og má þar nefna sem dæmi 7 tvívirk úttök á vökva að aftan. Skotkrókur og vökvayfirtengi fá því sínar sér lagnir til að taka ekki pláss frá fylgitækjum sem sett eru við vélina.

Við óskum Hlyn til hamingju með vélin og þökkum honum kærlega fyrir viðskiptin!

Kraftvélar óska Sérverk ehf til hamingju með nýja 5 tonna Iveco Daily pallbílinn sem þeir fengu afhentan í seinustu viku. Bílinn er með 160 hestafla vél 8 gíra sjálfskiptingu.
2.550 kg burðargeta og 3.500kg dráttargeta á kerru, pallurinn er frá Iveco og er 4,1m langur og 2,1 m breiður. Ökumannshúsið er einfalt og er með sætum fyrir 2 farþega, allur búnaður bílsins er rikulegur.

Á myndinni er eigandi og Framkvæmdarstjóri Sérverks ehf Elías Guðmundsson og Friðþjófur Jóhannesson Verkstjóri að veita bílnum viðtöku.

Smá upplýsingar um fyrirtækið:
Sérverk ehf var stofnað árið 1991 og er alhliða byggingafyrirtæki sem sérhæfir sig í uppsteypu mannvirkja.
Sérverk tekur að sér minni og stærri verk, meðal verkefna sem unnin hafa verið eru: uppsteypa á skólum, fjölbýlishúsum, rað- og parhúsum ásamt fleiru.
Sérverk hefur byggt um 450 íbúðir fyrir almennan markað, einnig þúsundir fermetra af atvinnuhúsnæði.

Byggingarfélagið hefur alla tíð verið staðsett í Kópavogi, fyrst að Akralind og Síðan í Askalind 5,
þar sem megin starfsemin fer fram.

Það var nóg að gera hjá okkur á fimmtudaginn í vinnuvéladeildinni, Pálmar Sigurjónsson kom að sækja Komatsu PC26MR-3 minigröfuna sína á sama tíma og Lóðaþjónustan kom og sótti Atlas Copco LH804 jarðvegsþjöppuna sína sem er 820kg þjappa með fjarstýringu!

Til hamingju Pálmar og Lóðaþjónustan.

Image may contain: 1 person, smiling, outdoor